المرور والصابون والتونة !!

 

صباح الخير والسعادة عليكم جميعا يارب, اكيد انه عنوان غريب وتتسائلون شدخل المرور والصابون والتونة !! بس ان شاءالله راح تعرفون القاسم المشترك بينهم بعد ماتقرون يومي امس وشصار

امس طلعت متأخر عشان اروح الكوفي شوب, ورحت لابس برمودا و T-shirt, والوالد طبعا عطاني كمٍ كلمتين ومحاضرة, وقلت يمكن صج يكون شكلي شاذ في هالبرد انا لابس برمودا لكن مع ذلك طلعت.
واكتشفت اني مب المينون الوحيد في هالديرة, فبعد دخلتي الكوفي بشوي, شفت واحد داش علينا بشورت و cut شيرت !!
فحمدت ربي على نعمة العقل, فعلى الاقل نسيبا انا اعقل منه .

طلعت من الكوفي ومريت شارع المعارض عشان انزل ثيابي في المغسلة, واشوف موتر سيكل وراي, واقول شفيه وراي ذي, وطلع مرور (1) , وماحطيت في بالي انه مستقصدني.
ويوم وقفت عند المغسلة وصل حضرته يمي وطلب الليسن والتسجيل والتأمين !!
وطبعا حضرتي مااخذ الليسن معاي, اصلا بيني وبينكم بوكي خذ له سنة ضايع مع الليسن والبطايق كلها وماطلعت ليسن الا من قبل شهر, لا وازيدكم من الشعر بيت, رجع ضاع مادري وين قطيته.
المهم قلت له ماعندي, قالي بطاقتك السكانيه, قلت له بوكي ضايع, قالي ابي اثبات, قلت له ماعندي الا الجواز وفي البيت.
والظاهر انه مستقصدني فشمعنى من بين السيارات وقفني انا ولا وسأل عني وطلعت السيارة مب مسجلة الي انا ماخذها مالت البيت.

المهم قال لي ان السيارة مب مسجلة واذا ماعليها تأمين ماراح اتحرك !!
مني مناك طلعت له التأمين من بعد مااتصلت بالوالد, ورضا اني اعطيه رقم البطاقة السكانية بدون مااجيب له الجواز.
وفي الاخير حصلت مخالفة شحلوها على اني اسوق سيارة بدون تسجيل.

————–

رجعت البيت وظربني جوع ..
وقلت خلني انزل اسوي لي عشا,

وبقولكم سالفة صادتني في الجامعة سنة 2003, حيث اني كنت مقدم على تخصص تصميم داخلي interior designs , وطلبوني لامتحان ومقابلة.
وباختصار في المقابلة استفزتني الدكتورة وقالت لي انك مابتقدر تثبت وجودك وخصوصا ان دفعتي المقبولة كلها بنات, وقالت لي ان البنات بيكونون احسن منك فجاوبتها وقلت لها: By the way, most of the famous designers in the world are male, we are better than you in everything, fashion design and even in cooking.

اجابتي استفزتها لدرجة انها رسبتني في المقابلة ومضطر من بعدها اني اغير التخصص ولين رسى بي الحال في تخصص التسويق الي انا فيه.

المهم ماطول عليكم, امس حبيت اطلع موهبتي اشوي واثبت حق روحي صحة كلامي, نزلت المطبخ استعداد للعشا.

وطبعا طبق امس كان التونة !!
وباعطيكم الوصفة وادعوا لي مو تضحكون علي

المكونات: قوطي تونة (3) –  بصلة – طماطة – معجون طماطم – جبن كرافت

جبت المقلاة على قولتهم وحطيتها على النار ويوم حطيت الزيت الا اسمع طرطشه واسمع عفسة !! وانا ضايع في الطوشة ابي اعرف شالسالفة؟! وبعد ثواني اكتشفت اني اللي حطيته ماكان الا صابون (2) !! وماكان زيت .

المهم ماطول عليكم, بعد ماتتأكدون ان اللي في يدكم الزيت مب صابون, جيبو البصل وقطعوه شرايح وحطوه في المقلاة.

 

الخطوة الي بعدها انا نجيب حبة الطماطة, ونقطعها مربعات ونحطها بالمقلاة مع البصل, احم احم. نفس الصور الآتيه.

وبعدها نضيف اشوية ماي للمقلاة تقريبا ربع كوب, ونروح حق البهارات, وطبعا لعبتي البهارات. وروح وحط اللي تشوف قدامك !! طبعا مب كل الي جدامك بس في شي اسمه مكتوب عليه سنوت وجلجلان, وايد احب احطه في الاكل, اذا شفتوه حطوه, ومع ملح وفلفل اسود وفلفل احمر وكاري وبزار ولومي اسود مطحون. وقعدو خلطوه بعد ماتحطون قوطي التونة.

وبعد الخلط والمهم في الاخير المفروض يطلع لكم نفس هالصورة , وبالهناء والشفاء.

ملاحظة: مالي ذنب اذا حد صاده تسمم

والحين اجمعوا (1) و (2) و (3) وبتعرفون الرابط المشترك بين المرور والصابون والتونة !!

 

 

 

 

 

 

Advertisements
هذا المنشور نشر في SwALif. حفظ الرابط الثابت.

10 Responses to المرور والصابون والتونة !!

  1. Mooni كتب:

    عاش الشيف قاسي المشاعر

    تسلم يدك وهارد لك على المخالفه ههههههه

  2. minus كتب:

    Oh God you’re worse than I am.
    I have a great amount of respect for men who cook.
    I salute you.

  3. Sandy كتب:

    ههههههه

    مغامرة مرورية صابونية تونية لا تحسد عليها

    بنجرب الوصفة على مسئوليتك :p

  4. tito84 كتب:

    شهيتني للتونة

  5. MaSHa3eR QaTaR كتب:

    والله التونه شكلها عجيبه

    خلاص يبا لازم لين جيت البحرين تعزمني عليهاا

    بس في شي مفقوود من المقادير ماحطيته وهوو جبن الكرافت متى انحطه ؟ 🙂

  6. Ehsan كتب:

    عجبتني قصة المقابلة في الجامعة….
    صج لكن جوايك كان صريح وقوي
    حتى لدرجة ما قدرت ترد عليك…

  7. lizardo كتب:

    i still think that my tuna 6ab5a is a7la

  8. coldpassion كتب:

    luv wa9fat el tuna ..

  9. Gasi كتب:

    Mooni
    لووول عاشت ايامج

    minus
    heheh thanks and i also respect the women who can`t cock 🙂

    Sandy
    لا سمحي لي ماتحمل اي مسئولية

    tito84
    افا عليك .. اسوي لك ذاا تبغي

    MaSHa3eR QaTaR
    وطعمها بعد اتمنى انه عجيب
    ههههه وافا عليج نعزمج عليها
    والجبن الكرافت شوفيه في الصحن حطيه بس رزحيه عقب ماتجهز التونة
    واكليه وانتي ماتكلين التونة 🙂

    Ehsan
    تعرفني يااحسان, كفاية مشكلتي ويا الي ماتتسمى ابتهاج

    lizardo
    i am waiting for it 🙂

    coldpassion
    and i love ur visit

  10. عن المرور…. كله يتحججون أصلاً يدورون لهم أي واحد ويحطون عليه..

    عن لبسك… تبي الصج.. الحمد لله على نعمة العقل انته والي لابس شورت ههههههه والله برررد شلون تقدر تطلع من البيت ؟
    انا مريول وقميص وعباية وجاكيت وساعات شال وبعد ماااااااااااااقدررر من البرررد

    عن التونه… ما أستلطفها… بس عجبتني سالفة انك تعرف تطبخ

    عن المقابلة… “يمكن كلامي بيزعلك”
    ما يصير تحت أي حال من الأحوال إنك تبدي ثقة بالنفس زائدة خلال أي مقابلة مهمن كان نوعها، المفروض تبدي ثقة نفس بحدود… وتحترم الي جدامك مهما قال
    لانهم ما يعرفونك وبالتالي ما يستقصدونك بشكل شخصي..
    بالعكس، لين استفزوك.. عشان يعرفون ردة فعلك..
    وبالنسبة لي ردة فعلك للأسف ما كانت ذكية….
    بتقول لي هذي مجرد مقابلة دراسة وما قبلوني أقدر أدش تخصص ثاني.. أوكيه
    باجر بتروح مقابلات حق الشغل…. وتأكد إنهم ما راح يكونون ألطف من الدكتورة… بعد بتكون ردة فعلك جذي ؟؟

    اعذرني مرة ثانية اذا كلامي ما عجبك… بس ما قدرت إلا أقوله…

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s