قاسي مشاعر .. والنسكافيه

 

 

السلام عليكم ورحمة الله وبركاته ,,,

صباح الخير والسعادة ان شاءالله يارب لكل من راح يزور مدونتي المتواضعة, التي اصبحت افخر بها يوما بعد يوم بسبب عدد الزوار وتفاعلهم معي ومع مدونتي البسيطة, ومتابعتكم التي لاحظتها من الردود.

الحين الساعة 4:30 صباحا, امتحاني اليوم بعد ساعات قليلة, وبالتحديد بعد اربع ساعات, حيث ان امتحاني الساعة 8:30 صباحا حتى الساعة 10:30.
امتحاني راح يكون في مادة الاحصاء QM250, وللأسف باقي لي وحدتين كاملتين لم امر حتى عليهم مرور الكرام مما يتوجب علي اني اروح الامتحان مواصل, حتى اني اشعر بالتعب من الحين وودي باخذ ساعة او ساعتين راحة وانام, بس مايكفي الوقت.
تخيلوا اني الحين دخلت الـ 21 سنة وعمري في حياتي ماشربت نسكافيه او حتى تذوقته, يمكن لاني جربت القهوة التركية وماستصغتها وهذا الي جعلني ماستصيغ او شي فيه كافيه مثل النسكافيه او الموكا او حتى شراب الشوكلت.
ولكن للأسف اليوم سويت لي كوب نسكافيه, لاول مرة راح اشرب كوب كامل من هالشراب, عل وعسى يمكن انه يخليني اسهر ويطير النوم من عيني.

المشكلة ان اليوم عندي امتحانين وليس امتحان واحد, اول امتحان الساعة 8 ونص وثاني امتحان الساعة 2 ونص, يعني ماعتقد اني راح احضن مخدتي الا على الساعة 5, اي تقريبا بعد 12 ساعة من الآن !!
الله المستعان كل الي اقدر اقوله.

وخلوني اشارككم جدولي المفترض الي ان شاءالله راح يكون يومي الاثنين 15/يناير

نبتدي من الساعة السابعة صباحا:

7:00 : يتوجب علي اني اكون منتهي من المراجعة لمادة الاحصاء كاملة
7:30 : يتوجب علي اني اكون اخذت حمام سريع وشربت الشاي وجهزت ملابسي
7:45 : طالع من باب البيت -باذنه تعالى- ورايح الجامعة
8:20 : في مواقف الجامعة اراجع للمرة الاخيرة وسريعا قبل دخولي القاعة
8:30 : قاعد على طاولة الامتحان ومستلم ورقتي وطبعا اول شي اقرا المعوذات وآية الكرسي وكم دعاء, وبعدين اعد الاوراق وانصدم ويهي تتغير الوانه. واسمي باسم الله وابتدي الحل
10:30 : اتوقع اني راح اطلع من القاعة مع نهاية الوقت, والسبب اني جربت في امتحان المنتصف وعرفت ان الامتحان مايكون بالقصير, وحتى لو كانت الاسئلة محدودة فان الكتابة والاجابة تاخذ من الوقت الكثير

افكر بعدها ارد البيت وانام من الساعة 11 تقريبا لين 1 ونص .. بس اخاف ماقدر اقعد او اقعد مع صداع كالعادة
فاعتقد اني راح اسوي الآتي

11:10 : نازل من سيارتي وداخل الكوفي شوب واطلب لي شيشة وشي يخليني قاعد
11:30 : ابتدي ادرس لامتحان المادة الثانية , مادة الاقتصاد econ141
1:45  : واعتقد اني خلاص راح اكون ماشوف شي قدامي وخصوصا اني ماحب اقعد في مكان واحد وايد وانا تعبان بس ماباليد حيلة, راح اكون في هالاثناء طالع من الكوفي ورايح الجامعة مرة اخرى
2:30 : داخل قاعة الامتحان وكالعادة طبعا المعوذات وآية الكرسي والادعية وبعدين تغير الوان الويه بسبب عدد الاوراق
4:30 : وقت انتهاء الامتحان بس اعتقد اني راح اكون طالع قبل

وان شاءالله في حدود الساعة 5 او 5:15 راح تشوفوني باذنه تعالى في البيت موجود على المسنجر, لين الساعة 6 واكون حاط راسي ونايم

وامتحاني الاخير راح يكون تاريخ 23 من هالشهر, يعني اليوم ماراح افتح اي كتاب.

في امان الله وحفظه ..
ولاتنسونا من دعائكم وخصوصا اليوم

Advertisements
هذا المنشور نشر في SwALif. حفظ الرابط الثابت.

7 Responses to قاسي مشاعر .. والنسكافيه

  1. Mooni كتب:

    بالتوفيق اخوي ان شاء الله

    الله يعينك على هالسهر!

  2. Sandy كتب:

    الله يعينك وييسر لك أمورك =)

    موفق يااارب

  3. بصراحة…. جدول لا تحسد عليه…

    وأنا الي أتحلطم عشان امتحانات الثانوية العامّة !!!

    الله يعين…

    والله يوفق الجميع

  4. Gasi كتب:

    الساعة 7 ونص المغرب وليحين مانمت !!
    يعني تقريبا صار لي الحين اكثر من 24 ساعة قاعد !!

    امتحان الكيو ام ..
    من كثر السهر والتعب
    تعرفون لما خلاص تتشبعون من الدراسة بحيث ان مخكم مايشتغل !!
    بعد 10 دقايق من الامتحان طلبت من الدكتور اني اطلع واسلم ورقتي خالية
    بس لحسن حظي انه ماسمح لي

    وسبحان الله بعد ربع ساعة نزل علي الوحي وقعدت احل

    طلعت ورحت الشيشة من 11 لين 1:45
    شربت فيها 3 اكواب نسكافيه .. بدون حليب ولا حتى شكر
    وكوبين تركش كوفي !!
    بس ابي شي يقعدني

    طلعت من امتحاني والحمدالله كان مستواه جيد مب ذاك الصعوبة
    وانا راجع من البيت اتصل لي رفيجي وماحبيت اكسر خاطره ورحنا الكوفي مرة ثانية شيشت وتغديت ويوم بطلع الا القروب الثاني داخل ورجعت عشان اقعد وياهم
    وتوني داخل البيت

    اليوم كان بدايته نحس !!
    السيارة ماتشتغل
    السيارة الثانية التواير خافة هواها
    رحت المحطة وطلعت المكينة مالت الهوا ماتشتغل !!
    رحت المحطة الثانية ومن بدال ماترس هوا فضيت الهوا الباقي من التاير !
    في روحي الجامعة مريت على حادث قوي منقلبة السيارة
    وقبل خروجي من الكوفي شوب متوجها لامتحاني الثاني سمعت خبر كدر مزاجي ..

    بس الواحد فينا يقول
    الحمدالله على كل حال 🙂

    وتصبحون على خير
    اشوفكم ان شاءالله بكرة

  5. Yonis كتب:

    كسرت خاطري صراحة
    ما اقدر اقول إلا الله يساعدك ، وبالتوفيق

  6. coldpassion كتب:

    may god sheds his mercy on u
    gud luck dude in ur exams ..

  7. ][~(شيطونه)~][ كتب:

    الله يصبرك و بإذن واحد أحد مجهودك ما يضيع هدر … راح الكثير و ما بجى الا القليل .. الله يسهل عليك و تتخرج على خير و عوض فالأجازه !! استغلها على كيف كيفك ^_^

    أطيب التحايا ..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s