بريك تايم !!؟

ابي اطلع وابي اروح استانس اليوم الجمعة واجازة .. وحشتني الشيشة والقعدة مع الربع وخصوصا ان الشلة المشتلة كلهم متجمعين هناك ومتصلين فيني .. الجو وايد حلو مطر ووايد بااااااارد الجو خاطري البس الكوت الي شريته من لندن, خاس في كبتي .. والله اني مينون ابي اطلع بس عشان البس الكوت ؟! الحمدالله والشكر .. اللهم لاشماته ..

ادري بتقولون اطلع شالي ماسكك .. الي ماسكني ان عندي امتحان mkt263 , ومأساة بمعنى الكلمة كلام في كلام والحالة حالة والكتاب محشو حشو لاصار ولااستوى مب عارف تدرس نشو وتخلي شنو .. ولازم اخلص اليوم جبتر واحد على الاقل فمن جذي ماسك عمري وقاعد .. والحين تعبت قلت خلني اهذر عليكم اشوي .. معني ماصار لي ساعة من يوم مسكت الكتاب .. بس بدلع روحي وباعطي روحي بريك تايم اشوي اسولف وياكم ..

امس رحت تغديت بره ويا رفيجي جاي من قطر وعقب رحنا الملجأ الي اهو الكوفي شوب الي اروح له اكثر من بيتنا .. اقترحت عليهم مرة يحطون صور القروب مالنا على الطوف ولا يسون لنا تماثيل ينحتونهم يحطونهم برع عند المدخل !! صرنا والله معلم من معالم هالكوفي شوب من كثر مانروح له .. احس صج بنتشرد وبنتيتم اذا الله لايقول صكوها ولا صار فيها شي 🙂 .. وشكنا نقول؟  اي .. رحت تغديت ورحنا الكوفي شيشت ورديت على اساس اني بدرس .. ورقدت وقعدت على الساعة يمكن 9 وقلت بقعد ادرس لاشعوريا بدلت ومر علي رفيجي وطلعنا رحنا تمشينا اشوي بالرفاع ورحنا الكوفي شوب مرة ثانية !! انا بروحي تمللت وانا اذكر هالكوفي شوب الله يعينكم انتو شحالتكم .. ! وبس .. وطلعنا وتمينا نتمشى ورجعت البيت الساعة 3 بالليل تقريبا على اساس اني بقعد ادرس .. وبعد ماصار نصيب .. تميت افرفر التلفزيون وشفت كان في mbc 4 مسلسل عجبني وقعدت اطالعه .. ليما تعبت ورحت فوق ورقدت ..  وبس صج الي يقول لاتأجل عمل اليوم الى الغد لكن من الي يفهم !! ..

المهم مابي اطول عليكم احس روحي ازعجتكم اشوي وكلامي ماله سالفة .. على العموم يالله خلني اكمل دراستي .. وان شاءالله انتظرو كل جديد مني وكل شي يعجبكم ان شاءالله ..

في امان الله وحفظه

Advertisements
هذا المنشور نشر في SwALif. حفظ الرابط الثابت.

3 Responses to بريك تايم !!؟

  1. لا لا كلش عادي سولف براحتكـ

    على فكرة انا على طول إهني أقرى بس مو دايماً أحط تعقيبات…

    وهذي مساحتك واكتب فيها الي تبي
    وكل شي تبيييه..

    الله يعينكم على هـ الامتحانات
    الحرة للأبد

  2. Gasi كتب:

    اسعدني جدا ردك وتواجدكِ اختي الحرة
    شكرا من القلب والحمدالله اني الاقي ناس متتبعين للي احطه
    ان شاءالله هالزيارات ماتنقطع

  3. ehehehhe .. cool ..
    u’re not the only one tara who wona to study bs can’t .. same here .. – as a baby when yboon y36oona el diwa o ehwa ma ybii – i feel that all the time ..
    first .. 7amdiila on slamat ur friend .. 2nd .. bil 3afiya ..
    3rd .. its all about the happness u can find over ther thats y u like to say el coffe shop o el coffe shop – allah ydoom el ma7aba –
    last not least .. nuuh walla ur sawalaf cool .. i like to be here time to time ..
    ur style cool .. 😉

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s