شكـــرا

mhd.jpg

 

 

شكـــرا

 

 

لو خسرتك ماخسرت العمر .. والدنيا متاع
وادري اني لو خسرتك ماخسرت .. الا قليل

بس فكّر زين .. تعرف من خسر فينا وضاع
وتعرف انك لو تلف الارض .. وتدوّر بديل

والله ان تبطي .. ولو لفّيت في كل البقاع
ولو تسوّي وش تسوّي ماانت لاقي لي مثيل

وين تلقى مثل شخصي شخص .. واطباعي طباع
ووين تلقى مثل قلبي قلب .. او مثلي خليل

البشر واجد .. نعم .. لكّن فرق الانطباع
يجعلك يمي تميل .. ويم غيري ماتميل

يارفيقي .. انتبه .. واحسن اليّ الاستماع
للمواقف دور في كشف المزيّف .. والاصيل

وانت ماقصرت فيني موقفك .. جدا شجاع
طعنتك في الظهر فعلا كانت اثبات ودليل

بيضّ الله وجهك اللي ساتره تحت القناع
ورايتك بيضا معاي وياعسى عمرك طويل

يعني اعطيك الثقة وتردها ب ((لوي)) الذراع
ياخي ماشاالله عليك ابدعت في رد الجميل

مدري كيف اشكرك مدري كيف ارد الصاع صاع
كنت احسب انك عزيز النفس .. تطلع لي ذليل

كم وانا عييّت اصدق فيك قدر المستطاع
من غبائي كنت اسكت واعذرك .. واثر الحصيل:

جرح قلبٍ .. ميزته في كل يوم الاتساع
ودمع عينٍ ينهمر من ضيقتي .. في كل ليل

والله اني كنت احبك حب .. واتبعك اتباع
كنت لاجل ارضي غرورك بس اسوي المستحيل

كنت اعمى فيك .. لا لا .. كنت ميت للنخاع
كنت مدري كيف؟ لكن كنت صادق معك حيل

كنت امارس في غرامي لك سياسة الانصياع
وكنت لاغي معك فكرة اعتزل او استقيل

اندفعت بكل مافيني .. وسوء الاندفاع
يجبر الانسان احيانا .. يفكر بالرحيل

صدمتي فيك انت .. خلتني افكر باقتناع
ان قتل النفس راحة لو انا كنت القتيل

انفجر راسي من التفكير .. وازداد الصداع
كيف انا بفتك من جرحك ودوشة قال قيل

صرت سيرة في حلوق الناس .. وتالي هالضياع
انتحر؟ معقول! يالله وش هذا الغليل؟

رحمتك يارب لامن ضاقت امنحني وساع
انت حسبي في الزمان الجاير ونعم الوكيل

لاغدى مستقبلي والماضي .. اطراف النزاع
وصفحة الماضي سواد وشي من هذا القبيل

فلازم انسى لجل انهي بداخلي هذا الصراع
ولازم اتقوى .. عشان احقق النصر الجليل

وطالما ان الهجوم افضل وسيلة للدفاع
مستحيل ارضخ لو ان الحمل ياربعي ثقيل

والبخيل اللي نساني واشترى فيني .. وباع
يذلف .. الله لايرده .. والله بجرحي كفيل

وان سأل عني وجاكم بعد فترة انقطاع
علموه اني نسيته بس اني ماني بخيل

طالما كان السبب في قوتي .. قبل الوداع
بلغوه اقل شي بخالص الشكر الجزيل
  

محمد عمر الشهري
Advertisements
هذا المنشور نشر في SHe3R. حفظ الرابط الثابت.

4 Responses to شكـــرا

  1. شوق كتب:

    كم تعبنا من الابحار في الانترنت للوصول الى قصيدة من قصائد محمد الشهري الي تحتكرها وتكون حصرا على مجلة المختلف
    شكرا جزيلا

  2. غير معروف كتب:

    محمد الشهري نجم فوق العادة شاعر جاء للناس بشعر مستحيل وروح لاتعشق سوا الصعب
    فرحنا بقصيدته كثيرا ..
    ولك الشكر الجزيل

  3. نوره كتب:

    وش هذا؟ وربي مو طبيعي
    اول مره اقرا له بالمختلف بصراحه شاعر غير طبيعي وحبه غير طبيعي
    رائع يالشهري رائع

  4. غير معروف كتب:

    محمد الشهري شاعر فعلا مختلف

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s